Research and Study

CMIR backed with its highly experienced group of researchers and academicians, expertise in conducting a range research and study programs in the issue of migration and international relations also including other cross-cutting issues.   Read More

 Legal and Paralegal Support

Legal and Paralegal Support is a philanthropic effort of CMIR to provide immediate support to distressed and destitute Nepalese migrant workers and their families. CMIR supports 600+ cases of  migrant workers every year. To operate its support work, CMIR mobilize its wide-spread network .  Read More

Pravasi Suchana Sathi

Pravasi Suchana Sathi is an initiative of CMIR to ensuring access to information of Nepalese migrant workers and their families. The initiative develops and disseminate reliable, timely, understandable, and process oriented information to help the migrant workers in their labour migration cycle. Read More

 साउदी अरबमा दुर्घटनामा परेर ‘ज्यान गुमाएका’ भनिएका भोजपुर, काउलेका सुवास तामाङको ‘क्षतविक्षत शव’ घर आइपुग्नासाथ परिवारले रितअनुसार अन्तिम संस्कार गर्‍यो । मृतकका परिवारले क्षतिपूर्ति र बिमा रकम पनि बुझे ।

तर, तिनै सुवास शुक्रबार अपराहन काठमाडौं आइपुगेका छन् । अझ रोचक त जातीय रितअनुसार उनलाई फेरि न्वारन र बिहे गरेर मात्र परिवारमा स्वागत गरिँदै छ । सुवास जसोतसो जन्मभूमि आइपुगेका छन्, तर जातीय रितमा उनी ‘मरिसकेका’ छन् । उनलाई अब भोजपुर जन्मस्थल लगेर फेरि न्वारन गरिनेछ । अनि मोरङ, लक्ष्मीमार्ग ल्याएर बिहे । यति रित पुर्‍याएपछि मात्र उनलाई नाबालक छोराछोरी र श्रीमतीसँग भेट गर्न दिइनेछ ।

करिब तीन वर्षअघि सुवास साउदी अरेबियाको जेदा सहरनजिकै सडक दुर्घटनामा परेका थिए । दुर्घटनामा परेका अर्कैको शव सुवासको भनेर नेपाल पठाइएको थियो । उनले भने त्यसपछि आफ्नो आगत–विगत भुलेका थिए । ‘नसोचेकै कुरा भयो । दाजु सडक दुर्घटनामा परेर घटनास्थलमै मरेको भन्दै साउदी अरेबिया सरकार, त्यहाँको अस्पताल र रियादको नेपाली दूतावासले पनि लिखित मुचुल्कासहित शव पठाएका थिए,’ विमानस्थलमा दाजुलाई लिन आएका भाइ अम्बर तामाङले भने, ‘शव क्षतविक्षत भएकाले पहिचानका लागि बढी खोजतलास गरिएन । विश्वासका भरमा दाजुको अन्तिम संस्कार गरेका थियौं ।’

त्यतिबेलै वैदेशिक रोजगार प्रवद्र्धन बोर्डले सुवासकी श्रीमती सन्तोषी र नाबालक दुई छोराछोरीका लागि क्षतिपूर्ति रकम दिएको थियो ।

९ जुलाई २०१५ मा भएको ट्याक्सी दुर्घटनामा घटनास्थलमै ३ र भोलिपल्ट अस्पतालमा एक नेपाली कामदारको मृत्यु भएको थियो । एक कामदारको भने ‘अनुहार चिनिनै नसक्ने अवस्थामा’ अस्पतालमा उपचार भइरहेको थियो । ती उपचार भइरहेका व्यक्ति ट्याक्सीका चालक बागलुङका तेजेन्द्र भण्डारी भन्ने ‘प्रारम्भिक रिपोर्ट’ भए पनि वास्तवमा तिनै सुवास रहेछन् ।

मृतक चारै जना हुन्डाई कम्पनीका कामदार थिए । दुर्घटनामा बुद्धलाल वाइबा (सिन्धुली), विष्णुबहादुर राना मगर (रूपन्देही) र रिदीबहादुर मगर (चितवन) को घटनास्थलमै मृत्यु भएको थियो ।

‘होस खुलेपछि आफ्नो नाम, बाबु हर्कबहादुरको नाम र भोजपुर जिल्ला भनेर भनेको रहेछु,’ धेरै कुरा सम्झन नसक्ने अवस्थामा पुगेका सुवासले सुनाए, ‘त्यहींबाट म सुवास तामाङ बाँचेको कुरा यहाँ बाबु, श्रीमतीले थाहा पाएका रहेछन् ।’ तामाङलाई काठमाडौंमा आफन्तको जिम्मा लगाउन भनेर जेदास्थित हुन्डाई कन्स्ट्रक्सन कम्पनीले अर्का कामदार शेरबहादुर चौलागाईंलाई पनि साथैमा पठाएको छ । चौलागाईंका अनुसार अहिले साउदी अरेबियामा कामदार घरफिर्तीमा आममाफी (एम्नेस्टी) दिइरहेका बेला पनि सुवासलाई नेपाल फर्काउन त्यति कठिनाइ भएन । सुवासको उपचारमा मात्रै हुन्डाई कम्पनीले झन्डै १ लाख रियाल खर्च गरेको र अहिलेसम्मको तलबसमेत दिएर पठाएको उनले जानकारी दिए ।

तामाङको क्षतविक्षत अनुहार टाल्न तिघ्रा र अन्य भागको मासु भरिएको थियो । झन्डै ३ महिना सघन उपचारमा राखिएका सुवास अहिले पनि बेलाबेला हाँस्ने र रुने गर्छन् ।

तेजेन्द्रको मृत्यु भएको पुष्टि भएपछि मृतकका परिवार क्षतिपूर्ति र न्यायिक प्रक्रियामा परराष्ट्रको कन्सुलर विभागमार्फत सक्रिय छ । सुवासलाई घरफिर्ती गराउन र तेजेन्द्रको परिवारलाई न्याय दिलाउन लागिपरेको सेन्टर फर माइग्रेसन एन्ड इन्टरनेसनल रिलेसन्स (सीएमआईआर) का अनुसार हुन्डाई कम्पनीले मृतक तेजेन्द्रको परिवारलाई पनि १५ हजार रियाल राहत रकम दिने भएको छ ।

‘तर, वैदेशिक रोजगार प्रवद्र्धन बोर्ड र बिमा कम्पनीबाट सुवासको परिवारले मृतक नाममा लिएको क्षतिपूर्ति रकमको प्रक्रियाबारे के हुने हो, यसै भन्न सकिन्न,’ सीएमआईआर प्रतिनिधि वसन्त घिमिरेले भने ।

Published date :May 27, 2017

Published on : Kantipur Daily 

In Media

What's New !

#MigrationFacts

Province Wise Number of Financial Support Disbursed From July 2017 to May 2018 by Foreign Employment Promotion Board (FEPB) 

More Facts

TO SUBSCRIBE

4

1500+

25+

15+

30

Years

Legally

Supported

IEC

Materials 

Articles

Published

Scholarships

Given